عربى |English | اردو 
Surah Fatiha :نئى آڈيو
 
Friday, July 4,2025 | 1447, مُحَرَّم 8
رشتے رابطہ آڈيوز ويڈيوز پوسٹر ہينڈ بل پمفلٹ کتب
شماره جات
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
  
 
تازہ ترين فیچر
Skip Navigation Links
نئى تحريريں
رہنمائى
نام
اى ميل
پیغام
2014-10 TaamulAhleQibla آرٹیکلز
 
مقبول ترین آرٹیکلز
فصل 8: "بدعتی" کسے کہیں گے؟
:عنوان

“منہج” اور “اصول” اگر آدمی کے متبعینِ سنت والے ہیں، تو پھر ان “اصول” کو لاگو کرنے کے دوران کوئی غلطی کھا جانا اور کسی بدعتی قول کی طرف چلا جانا آدمی کو “مبتدع” نہیں ٹھہراتا؛ ایسا آدمی بدستور اہل سنت شمار ہوگا۔

:کیٹیگری
حامد كمال الدين :مصنف

شرح ’’تعامل اہل قبلہ‘‘ 8

’’بدعتی‘‘ کسے کہیں گے؟

(بسلسلہ حاشیہ 22، متن سفر الحوالی)

ایک عام ذہن یہ ہے کہ جس بھی شخص کے ہاں ہم نے کوئی بدعتی بات پائی اسے ’’بدعتی‘‘ جانا..  تاوقتیکہ پایۂ ثبوت کو نہ پہنچے کہ وہ اپنی اُس بدعت سے تائب ہو جانے کے بعد دنیا سے گیا تھا! وجہ...؟ آپ خود دیکھ لیں، جو بات ہم نے آپ کو اُس کی کتاب یا کیسٹ سے نکال کر دی وہ بدعت ہے یا نہیں!

گویا ہر وہ شخص جو کسی بدعت میں واقع ہوا، بدعت اُس پر واقع ہوگئی!  حالانکہ ایسا نہیں ہے۔ بہت سے صالحین، ائمۂ دین کہیں کہیں ایک بدعتی بات کے قائل ہوئے، لیکن اس سے ان کی عدالت اور امامت پر کوئی بھی حرف نہیں آیا۔ [1] یہ موضوع تفصیل طلب ہے۔ یہاں ابن تیمیہ﷫ کی چند مختصر تقاریر دی جاتی ہیں:

وَكَثِيرٌ مِنْ مُجْتَهِدِي السَّلَفِ وَالْخَلَفِ قَدْ قَالُوا وَفَعَلُوا مَا هُوَ بِدْعَةٌ وَلَمْ يَعْلَمُوا أَنَّهُ بِدْعَةٌ إمَّا لِأَحَادِيثَ ضَعِيفَةٍ ظَنُّوهَا صَحِيحَةً وَإِمَّا لِآيَاتِ فَهِمُوا مِنْهَا مَا لَمْ يُرَدْ مِنْهَا وَإِمَّا لِرَأْيٍ رَأَوْهُ وَفِي الْمَسْأَلَةِ نُصُوصٌ لَمْ تَبْلُغْهُمْ.         (مجموع الفتاوىٰ: ج 19 ص 191)

سلف اور خلف کے بہت سے مجتہدین قولاً اور فعلاً ایسے امور کا شکار ہوئے جو بدعت ہیں۔ وہ یہ نہ جان پائے کہ وہ چیز بدعت ہے۔ اس کی وجہ:

1.       یا کچھ ضعیف احادیث، جنہیں وہ صحیح سمجھ رہے تھے۔

2.       یا کچھ آیات سے وہ کوئی ایسا مفہوم لے لیتے رہے جو ان آیات کی اصل مراد نہ تھی۔

3.       یا کسی ایسی رائے کے باعث جو انہیں صحیح نظر آئی؛ جبکہ  اس مسئلہ میں نصوص تھیں مگر ان تک نہ پہنچ پائیں۔

بیہقی، ابو ذر ہروی، ابوبکربن العربی (مؤلف تفسیر احکام القرآن) اور ابوالولید الباجی وغیرہ﷭ کے ہاں پائے گئے بعض مقالات کا بدعت ہونا بیان کرنے کے بعد، ابن تیمیہ اپنی تقریر دیتے ہیں کہ: دین میں ان کی خدمات نہایت قابل قدر  اور لائق اعتبار ہیں۔ پھر ان کے کئی ایک عذر بیان کرتے اور آخر میں کہتے ہیں:

فقَلَّ من يَسلَم مِن مثلِ ذٰلك في المتأخرين، لِكثرةِ الاشتباهِ والاضطرابِ، وَبُعدِ الناسِ عن نورِ النبوةِ وشمسِ الرسالةِ، الذي بهٖ يحصُلُ الهدىٰ والصوابُ، ويزولُ بهٖ عنِ القلوبِ الشكُّ والارتيابُ.                  (درءُ تعارض العقل والنقل: ج 2 ص 102 ۔ 103)

متاخرین میں تو بہت کم ایسے لوگ ہوں گے جو اِن اشیاء سے بچے ہوں۔ کیونکہ (ان آخری ادوار میں) اشتباہ اور اضطراب بہت پایا گیا ہے۔ یہاں لوگوں کو نورِ نبوت اور آفتابِ رسالت سے وہ قربت میسر نہیں تھی جس سے ہدایت اور راستی میسر آتی اور جس سے قلوب پر وارد شبہات اور تردُّد زائل ہوتے۔

کچھ علمی اشکالات کے باعث آدمی سے بعض عبارتیں  سرزد ہوجانا اُس کو ’’بدعتی‘‘ نہیں بناتا۔ ’’بدعتی‘‘ ہم ایسے شخص کو کہتے جو کسی ایسے معلوم بدعتی ٹولے کا ہمنوا ہوگیا ہو جس کا ’’بدعتی‘‘ ہونا علماء و ائمۂ سنت کے ہاں معروف ہو۔ ابن تیمیہ فرماتے ہیں:

وَالْبِدْعَةُ الَّتِي يُعَدُّ بِهَا الرَّجُلُ مِنْ أَهْلِ الْأَهْوَاءِ مَا اشْتَهَرَ عِنْدَ أَهْلِ الْعِلْمِ بِالسُّنَّةِ مُخَالَفَتُهَا لِلْكِتَابِ وَالسُّنَّةِ: كَبِدْعَةِ الْخَوَارِجِ، وَالرَّوَافِضِ، وَالْقَدَرِيَّةِ، وَالْمُرْجِئَةِ

(الفتاویٰ الکبریٰ: ج 4 ص 194)

وہ بدعت جس کے باعث آدمی اھل الاھواء میں شمار ہوتا ہے، وہ ہے جس کا علمائے اہل سنت کے ہاں کتاب اور سنت سے متصادم ہونا مشہور ہو، جیسے خوارج کی بدعت، یا روافض کی، یا قدریہ کی، یا مرجئہ کی۔

بدعتی ٹولے کا ہمنوا ہوگیا ہو سے مراد: اُس مسئلہ میں بدعتی ٹولے کے ساتھ وابستگی کرلی ہو اور ’’اہل سنت و اتباع‘‘ کے ساتھ اِس مسئلہ پر باقاعدہ تصادم اور مفارقت اختیار کر لی ہو۔ تاہم جہاں وہ سمجھتا ہے کہ ’’اہل سنت و اتباع‘‘ کا اپنا قول یہی ہے، (یعنی اہل اتباع کے ساتھ اپنا متصادم ہونا اس مسئلہ میں آدمی پر واضح نہیں ہوا) تو اسے اہل بدعت نہیں کہیں گے۔ یہ قاعدہ بھی اہل علم کے بیان میں بکثرت ملتا ہے۔

شیخ سفرالحوالی نے یہ مسئلہ اس طرح بیان کیا کہ: اصل دیکھنے کی بات آدمی کے ہاں پایا جانے والا ’’منہج‘‘ اور ’’اصول‘‘ ہے۔ یہ اگر بدعتیوں والا ہے تو وہ بدعت کی راہ پر ہے۔ البتہ ’’منہج‘‘ اور ’’اصول‘‘ اگر آدمی کے متبعینِ سنت والے ہیں، تو پھر ان ’’اصول‘‘ کو لاگو کرنے کے دوران کوئی غلطی کھا جانا اور کسی بدعتی قول کی طرف چلا جانا آدمی کو ’’مبتدع‘‘ نہیں ٹھہراتا؛ ایسا آدمی بدستور اہل سنت شمار ہوگا۔

چنانچہ اصل دیکھنے کی چیز ’’راستہ‘‘ ہے۔  ’’سنت‘‘ راستے میں چلنے والا آدمی کسی اکادکا مسئلہ میں خلافِ سنت چلا جائے تو اُسے ’’بدعتی‘‘ نہیں کہیں گے۔ جس طرح ’’بدعت‘‘ راستہ چلنے والا آدمی چند مسائل میں سنت پر ہو تو اُسے ’’اہل سنت‘‘ نہیں کہیں گے۔



[1]   اس سلسلہ میں شیخ البانی﷫ کی ایک کیسٹ سے رجوع کرلینا بھی مفید ہوگا: شیخ کی یہ گفتگو ایک نوجوان کے ساتھ ہے جسے اس کے ساتھیوں نے امارات سے اردن شیخ کے پاس یہ پوچھنے کےلیے بھیجا کہ بعض بدعت پر مبنی عبارتیں جو ائمۂ متقدمین مانند نووی، ابن حجر، ابن حزم، ابن جوزی﷭ کے ہاں یا معاصرین مانند سید قطب اور حسن البنا رحمہمااللہ کے ہاں مل جاتی ہیں... اس پر ان کےلیے استغفار اور رحمت کی دعاء کرنے کی گنجائش کیسے رکھی جائے! شیخ نے اس کے جواب میں یہی قاعدہ بیان کیا کہ ہر وہ متبع سنت جو کسی ایک آدھ مقام پر بدعت میں واقع ہوجائے بدعتی نہیں ہوتا۔ جیسے ایک نیکوکار آدمی کسی ایک آدھ مقام پر گناہ میں پڑ جانے سے فاسق نہیں کہلاتا۔

حوالہ: کیسٹ سیریز ’’الھدیٰ والنور‘‘، کیسٹ نمبر  666۔  انٹرنٹ پر کیسٹ کا لنک یہاں سے مل سکتا ہے:

http://www.alalbany.me/play.php?catsmktba=15736

Print Article
Tagged
متعلقہ آرٹیکلز
ديگر آرٹیکلز
جہاد- مزاحمت
عرفان كرم
❝ اس ہنگامی موقعہ پر: دشمن کے مقابلے میں پرانے جھگڑوں کو برطرف رکھیے❞  عرفان کرم   گزش۔۔۔
احوال-
حامد كمال الدين
یوم عرفہ کے حوالہ سے چند اشکالات تحریر: حامد کمال الدین عرفہ کے حوالہ سے، گلوب پر پائے جانے والے "۔۔۔
تنقیحات-
حامد كمال الدين
س:بعض لوگ حوالہ دیتے ہے کہ نبی کریم صلی اللہ علیہ وسلم نے بھی مکہ چھوڑ کر ہجرت کی راہ اختیار کرلی تھی، اس تلبی۔۔۔
متفرق-
حامد كمال الدين
مسلکی "دیواروں" کی اونچائی کم کرنے والے عوامل===مسلکی لڑائیوں سے نکل آنے اور امت پر فوکس کرنے کا جو ایک امید ا۔۔۔
جہاد- سياست
حامد كمال الدين
شریعت، طریقت اور سیاست!؟===ایک بھلی سی تحریر نظر سے گزری جس کا لب لباب تھا: شریعت، طریقت اور سیاست کو بیک وقت ۔۔۔
جہاد- سياست
Featured-
حامد كمال الدين
یہ لوگ صلاح الدین کے دور میں ہوتے تو کچھ ان میں سے اس کی تکفیر کر رہے ہوتے، اور کچھ اس کو کفار یا رافضہ کا ایج۔۔۔
Featured-
حامد كمال الدين
ٹرمپ کا حالیہ دورہ، مسلمانوں کو اپنی بہتر پوزیشن سمجھنے کی ضروت تحریر: حامد کمال الدین کل بھی اس جانب کچھ اشار۔۔۔
جہاد- قتال
حامد كمال الدين
يَا أيُّهَا النَّبِيُّ حَرِّضِ المُؤْمِنِيْنَ عَلَى الْقِتَال=== صاف صاف، ہم نے اس جنگ میں ایک پوزیشن لے رکھی ۔۔۔
احوال- امت اسلام
حامد كمال الدين
کافر کے ساتھ اپنی اِس جائز جنگ میں، ہندی مسلمانوں کو کھونے سے حتى الوسع گریز کیجیےحامد کمال الدینجنگ صرف فوجوں۔۔۔
احوال-
Featured-
Featured-
عرفان كرم
فلسطین کا سامورائی... السنوار جیسا کہ جاپانیوں نے اسے دیکھا   محمود العدم ترجمہ: عرفان كرم ۔۔۔
احوال- تبصرہ و تجزیہ
Featured-
حامد كمال الدين
ایک مسئلہ کو دیکھنے کی جب بیک وقت کئی جہتیں ہوں! تحریر: حامد کمال الدین ایک بار پھر کسی کے مرنے پر ہمارے کچھ ۔۔۔
Featured-
حامد كمال الدين
ذرا دھیرے، یار! تحریر: حامد کمال الدین ایک وقت تھا کہ زنادقہ کے حملے دینِ اسلام پر اس قدر شدید ہوئے ۔۔۔
Featured-
حامد كمال الدين
تحقیقی عمل اور اہل ضلال کو پڑھنا، ایک الجھن کا جواب تحریر: حامد کمال الدین ہماری ایک پوسٹ پر آنے و۔۔۔
Featured-
حامد كمال الدين
نوٹ: یہ تحریر ابن تیمیہ کی کتاب کے تعارف کے علاوہ، خاص اس مقصد سے دی جا رہی ہے کہ ہم اپنے بعض دوستوں سے اس ۔۔۔
جہاد- سياست
حامد كمال الدين
آج میرا ایک ٹویٹ ہوا: مذہبیوں کے اس نظامِ انتخابات میں ناکامی پر تعجب!؟! نہ یہ اُس کےلیے۔ نہ وہ اِ۔۔۔
باطل- اديان
ديگر
حامد كمال الدين
بھارتی مسلمان اداکار کا ہندو  کو بیٹی دینا… اور کچھ دیرینہ زخموں، بحثوں کا ہرا ہونا تحریر: حامد کما۔۔۔
تنقیحات-
حامد كمال الدين
"فرد" اور "نظام" کا ڈائلیکٹ؛ ایک اہم تنقیح تحریر: حامد کمال الدین عزیزم عثمان ایم نے محترم سرفراز ف۔۔۔
Featured-
حامد كمال الدين
مالکیہ کے دیس میں! تحریر: حامد کمال الدین "مالکیہ" کو بہت کم دیکھنے کا اتفاق ہوا تھا۔ افراد کے طور ۔۔۔
کیٹیگری
Featured
حامد كمال الدين
حامد كمال الدين
عرفان كرم
مزيد ۔۔۔
Side Banner
حامد كمال الدين
حامد كمال الدين
مزيد ۔۔۔
احوال
حامد كمال الدين
امت اسلام
حامد كمال الدين
عرفان كرم
مزيد ۔۔۔
اداریہ
حامد كمال الدين
حامد كمال الدين
حامد كمال الدين
مزيد ۔۔۔
اصول
منہج
حامد كمال الدين
ايمان
حامد كمال الدين
منہج
حامد كمال الدين
مزيد ۔۔۔
ایقاظ ٹائم لائن
حامد كمال الدين
حامد كمال الدين
ذيشان وڑائچ
مزيد ۔۔۔
بازيافت
سلف و مشاہير
حامد كمال الدين
تاريخ
حامد كمال الدين
سيرت
حامد كمال الدين
مزيد ۔۔۔
باطل
اديانديگر
حامد كمال الدين
فكرى وسماجى مذاہب
حامد كمال الدين
فرقے
حامد كمال الدين
مزيد ۔۔۔
تنقیحات
حامد كمال الدين
حامد كمال الدين
حامد كمال الدين
مزيد ۔۔۔
ثقافت
معاشرہ
حامد كمال الدين
خواتين
حامد كمال الدين
خواتين
ادارہ
مزيد ۔۔۔
جہاد
مزاحمت
عرفان كرم
سياست
حامد كمال الدين
سياست
حامد كمال الدين
مزيد ۔۔۔
راہنمائى
شيخ الاسلام امام ابن تيمية
حامد كمال الدين
حامد كمال الدين
مزيد ۔۔۔
رقائق
اذكار و ادعيہ
حامد كمال الدين
اذكار و ادعيہ
حامد كمال الدين
اذكار و ادعيہ
حامد كمال الدين
مزيد ۔۔۔
فوائد
فہدؔ بن خالد
احمد شاکرؔ
تقی الدین منصور
مزيد ۔۔۔
متفرق
حامد كمال الدين
ادارہ
عائشہ جاوید
مزيد ۔۔۔
مشكوة وحى
علوم حديث
حامد كمال الدين
علوم قرآن
حامد كمال الدين
مریم عزیز
مزيد ۔۔۔
مقبول ترین کتب
مقبول ترین آڈيوز
مقبول ترین ويڈيوز